ޖަމްޢިއްޔަތުން މުވައްޙިދީން އާއި ފައުންޑޭޝަން ފޯ މީދޫ ޑިވެލޮޕްމަންޓް ގުޅިގެން ބޭއްވި މިދަރުސް ބާއްވާފައިވަނީ، ރޭ 8.45 ގައި މީދޫ ސޯޝަލް ސެންޓަރުގައެވެ. “إنّ الله كان عليكم رقيبا” (މާނަ: ތިޔަބައިމީހުންގެ ކަންތައް ބައްލަވާވޮޑިގެންވާ ކަލަކު ކަމުގައި ﷲ ވޮޑިގެންވެއެވެ) މި މައުޟޫޢުގެ މައްޗައް ޝެއިޚް އިބްރާހިމް ފަރީދުވަނީ، ކީރިތި ޤުރުއާނާއި ހަދީސްގެ އަލީގައި، ދުނިޔޭގައި އިންސާނުން އުޅެމުންދާއިރު އެމީހުންގެ އަމަލްތައް ބަހައްޓަންޖެހޭ ގޮތުގެ މައްޗަށް އަލިއަޅުވާލައްވައި ވާހަކަފުޅުދައްކަވާފައެވެ.

ހުޅުދޫ މީދޫގެ ގިނަ އަދަދެއްގެ ރައްޔިތުން ބައިވެރިވި މިދަރުސް ބޭއްވުމުގައި، ފައުންޑޭޝަން ފޯ މީދޫ ޑިވެލޮޕްމަންޓާއި، ހުޅުދޫ ސްކޫލާއި، ޝަމްސުއްދީން ސްކޫލްގެ ވަރަށް ބޮޑު އެހީތެރިކަމެއް ލިބިފައިވާކަމަށް، ޖަމްޢިއްޔަތުން މުވައްޙިދީނުން މަޢުލޫމާތު ދެއްވިއެވެ. ޖަމްޢިއްޔަތުލް މުވައްޙިދީންއަކީ މީދޫގެ ޒުވާނުންނާއި ގުޅިގެން މީގެ ކުރިންވެސް ތަފާތު ޝެއިޚުން ގެނެސްގެން މީދޫގައި ދަރުސްތައް ބާއްވަމުން އަންނަ ޖަމްޢިއްޔާއެކެވެ.

45 ވަނަ މިނިވަން ދުވަހުގެ މުނާސަބަތުގައި މީދޫޒުވާނުންނާއި އެފްއެމްޑީއާއި ގުޅިގެން ބާއްވާ ވޮލީބޯޅަ މުބާރާތުގެ ދެވަނަ މެޗް ފަސޭހަ ކަމާއިއެކު މީދޫ ސީނިއަރޓީމް ކާމިޔާބުކޮށްފިއެވެ.

މިއަދު ހަވީރު 4:30 މީދޫ ސޯޝަލްސެންޓަރުގައި ކުޅެވުނު މިމެޗްގައި ހުޅުދޫ ޓީމަށް ކުރެވުނު މާބޮޑުކަމެއް ނެތެވެ. އެހެން ނަމަވެސް ދޭތެރެ ދޭތެރެއިން ހޫޅުދޫ ޓީމުގެ އަޙްމަދު އަބްދުލް ކަރީމު (ލޯންގޭ) ގެ ބާރު ޝޮޓްތައް މީދޫޓީމުގެ ކުޅުންތެރިންނަށް ރިސީވް ނުވެގެން ކޯޓު ފެނުގައި ޖެހެމުންދިޔަ މަންޒަރު ފެނުނެވެ.

ގިނައަދަދެއްގެ ސަޕޯރޓަރުންގެ ސަޕޯރޓާއިއެކު އަމިއްލަ ރަށުގައި ކުޅެމުންދިޔަ މީދޫ ޓީމުން ކުޑަވެސް ފަސްބެލުމެއްނެތި ފުރަތަމަ ސެޓްފަށައިގެން ލީޑްގައި އޮވެގެންގޮސް ސެޓް ނިންމާލީ ހުޅުދުއަށް 18 ޕޮއިންޓްދީފައެވެ.

މިމެޗްގެ ދެވަނަ ސެޓް ފަށައިގެން މީދޫޓިމުން 10 ޕޮއިންޓް ހޯދިއިރު ހުޅުދުއަށް ލިބިފައިވަނީ 2 ޕޮއިންޓެވެ. މަޝްހޫރު ލޯންގޭގެ ކެޕްޓަންކަމުގެ ދަށުން ކުޅެމުންދިޔަ ހުޅުދޫ ޓީމު މިސެޓްގައި މަޑުމަޑުން ޕޮއިންޓަކަށްފަހު ޕޮއިންޓެއް ހޯދަމުންގޮސް މީދޫޓީމުން 19 ހޯދިފަހުން ނަތީޖާ ހަމަކުރިއެވެ. އެހެން ނަމަވެސް ނަތީޖާ ހަމަހަމަވިފަހުން ހުޅުދޫޓީމަށް ލިބުނީ އެއްމެ ޕޮއިންޓެކެވެ. މިސެޓް މީދޫ ޓީމުން ގެންދިޔައީ 25-20 ންނެވެ.

ވަރަށް ހިތްވަރާއިއެކު ހުޅުދީޓީމުން މެޗްގެ 3 ވަނަ ސެޓް ފައްޓައިގެން ހުޅުދޫ ޓީމު މީދުއަށް ޕޮއިންޓެއް ނުދީ 5 ޕޮއިންޓް ހޯދިއެވެ. ނަމަވެސް މީދޫޓިމުން އިބްރާހިމްޖަމާލުގެ ސެޓިންގައި އައްކަޅޭއާއި ކުޑަކާއްޓޭއާއި އައްޔައާއި ޔާސާއާއި ޝައްމޫން ހަދާނަހަދާއެއްނޭގި ހުޅުދޫޓީމުގެ ފެނުގައި ޖައްސަމުންދިޔަ ބޯޅަތަކުން ނަތީޖާ ހަޔެއް ހަޔަކުން ހަމަހަމަކޮށް ތިންވަނަ ސެޓްގައި ފުރަތަމަ ފަހަރަށް 6-7ން މީދޫޓީމުން ލީޑު ހޯދިއެވެ. މިސެޓްވެސް މާބޮޑު އުދަގޫތަކަކާއި ކުރިމަތިނުވެ ވަރަށް ފަސޭހަކަމާއިއެކު މީދޫ ޓީމުން ހުޅުދުއަށް 15 ދީފައި އެފްއެމްޑީ ވޮލީ ބޯޅަ މުބާރާތުގެ ދެވަނަ މެޗް ކާމިޔާބު ކުރިއެވެ. މިމެޗްގެ މޮޅު ކުޅުންތެރިޔާގެ މަޤާމް ހޯދީ މީދޫ ޓީމުގެ އަޝްފާޤްއާދަމް(އައްކަޅޭ)އެވެ.

މިމުބާރާތުގައި ދެން މެޗެއް ކުޅުމަށް ހަމަޖެހިފައިވަނީ މިމަހު 31 ވަނަ ދުވަހުއެވެ. ބައްދަލު ކުރާނީ މީދޫ ސީނިއަރޓީމާއި ހިތަދޫގެ ޓީމެވެ.

ޚަބަރާއިގުޅޭ ފޮޓޯ އަލްބަމް:

މިނިވަން ކަޕް 2010 ގައި ހުޅުދޫގައި މިހާރު ކުރިއަށްދާ ފުޓްބޯޅަ މުބާރާތުގައި އިއްޔެ ކުޅުނު ދެމެޗްގެ ތެރެއިން ފުރަތަމަ މެޗްގައި އެމްއެންޑީއެފްގެ ޓީމާއި ބައްދަލުކޮށް ހުޅުދޫ މިޑްލްސް 4-2 ލަނޑުން މެޗް ކާމިޔާބު ކުރުމާއި ގުޅިގެން އެމްއެންޑީއެފް މުބާރާތުން ކަޓައިފިއެވެ. ގްރޫޕް އޭގައި ހިމެނޭ ތިން ޓީމުގެ ތެރެއިން ކޮންމެ ޓީމެއް ދެމެޗް ކުޅުނުއިރު އެމްއެންޑީއެފް ކުޅުނު ދެމެޗުންވެސް ބަލިވެހގެން މުބާރާތުން އެއްވެސް ޕޮއިންޓެއް ނުލިބި މުބާރާތުން ކަޓަފިއެވެ. މިގްރޫޕުން ސެމީފައިނަލަށް ދިޔައީ ކޮލެންޓާއާއި މިޑްލްސްއެވެ، މިގްރޫޕްގެ އެއްވަނަ ލިބޭޓީމެއް އެގޭނީ މިއަދު ހަވީރު މިދެޓީމު ބައްދަލު ކުރާ މެޗްނިމުމުންނެވެ.

މިމުބާރާތުގައި އިއްޔެ ކުޅުނު ދެވަނަ މެޗްގައި ބައްދަލު ކުރީ ހުޅުދޫ ދެޓީމް ކަމަށްވާ އޭޓީ ސްޕޯރޓްސްއާއި މަންތަރައެވެ. މިމެޗް 2-1 ލަނޑުން ކާމިޔާބުކުރީ އޭޓީސްޕޯރޓްސްއެވެ. މިމެޗްގެ ނަތީޖާ ނިކުތް ގޮތުން ހެރަތެރެ މިމުބާރާތުން ކެޓީއެވެ. މިގްރޫޕްގެ އެއްވަނަ ކުޅުނު ދެމެޗުންވެސް މޮޅުވެގެން 6 ޕޮއިންޓާއިއެކު ހޯދާފައިވަނީ އޭޓީސްޕޯރޓްސްއެވެ. ދެވަނަ ލިބުނީ ޕޮއިންޓުން ހެރަތެރެއާއި އެއްވަރުވި ނަމަވެސް ގޯލުގެ ތަފާރުން މަންތަރައަށެވެ.

މިނިވަން ދުވަހުގެ މުނާސަބަތުގައި މީދޫޒުވާނުންނާއި އެފްއެމްޑީއާއި ގުޅިގެން ބާއްވާ ވޮލީބޯޅަ މުބާރާތް 2010 މިއަދު ފެށިއްޖެއެވެ. މިއަދު ހަވީރު 4.30ގައި މީދޫ ސޯޝަލް ސެންޓަރުގައި ފެށުނު މިމުބާރާތުގެ ފުރަތަމަ މެޗްގައި ބައްދަލުކުރީ މީދޫ ދެވަނަ ޓީމާއި ހިތަދޫގެ ޓިމެވެ. ގަޢުމީޓީމުގެ ތިން ކުޅުންތެރިން ހިމެނޭ ހިތަދޫގެ ޓީމުން ފުރަތަމަ ސެޓުގައި މާއެދެވޭ ކުޅުމަށް ދެއްކޭގޮތެއް ނުވިއެވެ. ފުރަތަމަ ސެޓްގައި ހިތަދޫ ޓީމް ބޮޑު ތަފާތަކުން ކުރީގައި އޮވެގެން ގޮސް އެޓީމަށް 19 ލިބުނުއިރު މީދޫ ޓީމުން ވަނީ ފަހަތުން އަރައި މިސެޓްގެ ނަތީޖާ ހަމަހަމަކޮށްފައެވެ.

މީދޫ ޓީމުގެ އިބްރާހިމްދީދީ(ބޮންގާޑް) ގެ ބާރުޖެހުންތައް ފެނުޖެހެމުންދާއިރު ހިތަދޫގެ ޓީމުގެ ކުޅުންތެރިން ތިބީ ހުއްޓުން އަރާފައެވެ. ނަތީޖާއަކަށްވީ މިސެޓް 25-23ން މީދޫގެ ޒުވާން ޓީމުން ކަމީޔާބު ކުރުމެވެ. އެހެން ނަމަވެސް ދެވަނަ ސެޓްގެ ކުޅުން ފެނިގެން ދިޔައީ ވަރަށް ތަފާތުކޮށެވެ. ހިތަދޫ ޓީމަށް ކުޅެމުން ދިޔަ ޤައުވީ ޓީމުގެ ސެޓަރު އިޝާނު(ބަޓިސް)ގެ ބޯޅަ ތަކުން ސެންޑީއާއި އެޓީމަށް ކުޅުނު ޕޮލިސްޓީމުގެ އަނިލްގެ ބާރު ހަމަލާތައް މީދޫޓީމު ކޯޓުގެ ފެނުގައި ޖެހެމުންދިޔައީ އެއްވެސް ހުރަހެއް ނެތިއެވެ. މިސެޓް ވަރަށް ފަސޭހަކާއިއެކު 15-25ން ގެންދިޔައީ ހިތަދޫގެ ޓީމެވެ. ޖެހިގެންއައި ދެސެޓްގައިވެސް މީދޫޓީމަށް އެދެވޭ ކުޅުމަށް ނުދެއްކެނީސް 18-25 އަދި 22-25ން ހިތަދޫ ޓިމުން ގެންގޮސްގެން މުބާރާތުގެ ފުރަތަމަ މެޗް ކާމިޔާބުކުރިއެވެ. މިމެޗްގެ މޮޅު ކުޅުންތެރިޔާގެ މަޤާމް ހޯދާފައިވަނީ ހިތަދޫ ޓީމުގެ ޖާޒީ ނަމްބަރ 1 އިބްރާހިމްނަޝީދު(ޖެކް)އެވެ.

މިމުބާރާތުގައި މާދަމާ ހަވީރު 4.30ގައި ވަރަށް ފޯރިގަދަ މެޗެއް ކުޅެވޭނެއެވެ. ބައްދަލު ކުރާނީ މީދޫ ސީނިއަރޓީމާއި ހުޅުދޫގެ ޓީމެވެ. މިދެޓީމަށް ބަލާއިރު ނިމިގެންދިޔަ އެސޯސިއޭޝަން ކަޕްގެ އެންމެ މޮޅު ކުޅުންތެރިޔާ އަދި ރާއްޖޭގެ ޤައުމީޓީމުގެ ކެޕްޓަން އަޙްމަދު އަބްދުލް ކަރީމް (ލޯންގޭ) ހުޅުދޫޓީމުން ފެނިގެންދާއިރު ހަމަ އެމުބާރާތުގައި ކުޅުނު 5 ކުޅުންތެރިން މީދޫޓީމުން ފެނިގެންދާނެއެވެ. އެއީ އެމްއެންޑީއެފްޓީމުގެ ހުސެންނަޖީބު(އައްޔަ) އާއި ޕޮލިސްގެ ޓީމަށް ކުޅުނު އިސްމާއީލްސާޖިދު(ކުޑަކާއްޓޭ) އާއި ޔާސާގެ އިތުރުން ކްލަބްޕީކޭގެ އަޝްފާގްއާދަމް (އައްކަޅޭ) އާއި ޝައްމޫންއަލިދީދީއެވެ.

ޑަބަލް ސިކްސް ޒީރޯޒީރޯ ވޮލީބޯޅަ މުބާރާތް 2010ގައި މަޤާމުތަކަށް ހޮވުނު ހުރިހާ ކުޅުންތެރިން މިހާރު މީދޫގައި ކުރިއަށްދާ ވޮލީ ބޯޅަ މުބާރާތުގައި ފެނިގެންދާނެއެވެ.

ޚަބަރާއިގުޅޭ ފޮޓޯ އަލްބަމް:

]]> http://www.meedhoolive.com/?feed=rss2&p=7791 0 http://www.meedhoolive.com/?p=7776 http://www.meedhoolive.com/?p=7776#comments Wed, 28 Jul 2010 06:27:43 +0000 އެމްއެލް http://www.meedhoolive.com/?p=7776 މީދޫ ޒުވާނުންނާއި އެފްއެމްޑީއާއި ގުޅިގެން އައްޑުއަތޮޅު މަރަދޫ ޖަމާޢަތަކަށް ދަޢުވަތު ދީގެން މިމަހު 29 ވަނަ ދުވަހުގެ ރޭ މީދޫ ސޯޝަލް ސެންޓަރުގައި ރާއްޖޭގެ މަޝްޙޫރު ދީނީ އިލްމުވެރިއެއްކަމަށްވާ އައްޝައިޚް އިބްރާހިމް ފަރީދު ދީނީ ދަރުސެއް ދެއްވުމަށް ހަމަޖެހިއްޖެއެވެ.
“إنّ الله كان عليكم رقيبا” (ހަމަކަށަވަރުން ތިޔަބައިމީހުންގެ ކަންތައްތައް ބައްލަވާ ވޮޑިގެންވާ ކަލަކު ކަމުގައި ﷲ ވޮޑިގެންވެއެވެ) މިމަޢުޟޫގެ މައްޗަށް އައްޝައިޚް ފަރީދު އިންސާފު ކޮށްދެއްވާނެއެވެ.
ހުޅުދޫ އަދި މީދޫގެ ހުރިހާ ލޮބޮވެތި ރައްޔިތުންވެސް މިދަރުސް އަޑުއެއްސެވުމަށް ވަޑައިގެން ދެއްވުމަކީ މިދަރުސް އިންތިޒާމް ކުރާ ފަރާތްތަކުގެ ވަރަށް ބޮޑު އެދުމެކެވެ.

މިނިވަން ކަޕް 2010 ގެ ނަމުގައި ސ.ހުޅުދޫގައި މިހާރު ކުރިއަށްދާ ފުޓްބޯޅަ މުބާރާތުގައި އިއްޔެ ދެމެޗް ކުޅެފައިވެއެވެ. އިއްޔެ ހަވީރު 4 ޖެހިއިރު ފެށުނު ފުރަތަމަ މެޗްގައި ބައްދަލުކުރީ އެމްއެންޑީއެފާއި ފޯޕާމްކޮލެންޓާއެވެ. މިމެޗް 3-0 ކާމިޔާބުކުރީ ފޯޕާމްކޮލެންޓާއެވެ. ރީތި ކުރު ޕާސްތަކެއް ދެމުން ކުޅެމުންދިޔަ ފޯޕާމްކޮލެންޓާ ހިފަހައްޓާލުމަށް އެމްއެންޑީއެފުން އޮތީ ހަދާނެ ގޮތް ހުސްވެފައެވެ. ނަތީޖާއެއްގެ ގޮތުން މެޗް ފެށިގެން މާގިނައިރުތަކެއް ނުވެ 6 ވަނަ މިނިޓުގައި ކޮލެންޓާގެ ކެޕްޓަން މައުޝުޤު އެމްއެންޑީއެފްކޮޅަށް ލަނޑުޖަހައި މެޗްގެ ލީޑް އެޓީމަށް ހޯދައިދިނުމެވެ.

މެދުތެރެއިން ބޯޅަ ހިފައްޓަމުން އެޓެކިންގައި ބައިވެރިވަމުން ކުޅެމުން ދިޔަ ކޮލެންޓާގެ ޖާޒީ ނަމްބަރ 10 އަލީރަމީޒު (ސޮޑާ) އެޓީމުގެ ލީޑް ފުޅާ ކޮށްދީފައިވަނީ ފުރަތަމަ ހާފްގެ 22 ވަނަ މިނިޓްގައެވެ. މެޗްގެ މޮޅު ކުޅުންތެރިޔާގެ މަޤާމަށް ހޮވުނީވެސް އަލީރަމީޒެވެ. އެޓިމުގެ ތިންވަނަ ލަނޑު ކާމިޔާބު ކޮށްދީފައިވަނީ އެޓިމުގެ ޖާޒީނަމްބަރ9 އިލްޔާސް ފުވާދެވެ.

އައްޔެގެ ދެވަނަ މެޗްގައި ބައްދަލުކުރީ އެފްސީ ހެރަތެރެއާއި މަންތަރަ އެފްސީއެވެ. މިމެޗް ނިމުނީ 2-2ން އެއްވަރު ވެގެންނެވެ. މިމެޗްގައި މަންތަރައިން ޖެހި ދެލަނޑުވެސް ޖަހާފައިވަނީ އެޓީމުގެ 10 ނަމްބަރ މުޙައްމަދު އަޒްލީމެވެ. އެފްސީ ހެރަތެރެއިން ލަނޑުޖަހާފައިވަނީ ފަތުހުއްލާއާއި މުޙައްމަދުނިޝާންއެވެ. މިމެޗްގެ މޮޅުކުޅުންތެރިޔާގެ މަޤާމް ހޯދީ މަންތަރަ އެފްސީގެ މުޙައްމަދުތާއިފްއެވެ.

މިމުބާރާތުގެ ދެމެޗް މިއަދުވެސް ކުޅުމަށް ހަމަޖެހިފައިވެއެވެ. ފުރަތަމަ މެޗްގައި ކުޅުމަށް ހަމަޖެހިފައިވަނީ އެމްއެންޑީއެފްއާއި ހުޅުދޫ މިޑްލްއެވެ. ދެވަނަ މެޗްގައި ބައްދަލު ކުރާނީ މަންތަރައާއި އޭޓީސްޕޯރޓްސްއެވެ.

މިއަހަރުގެ މިނިވަން ދުވަސް ފާހަގަކުރުމުގެ ގޮތުން އައްޑުއަތޮޅު ފެމިލީ އެންޑް ޗިލްޑްރެންސް ސާވިސް ސެންޓަރުން ކުޑަކުދިންގެ އާއިލީ ހަވީރެއް ބާއްވައިފިއެވެ. މިއަދު ހަވީރު ސ.އަތޮޅު މަދަރުސާގައި ބޭއްވި މިއާއިލީ ހަވީރުގައި ހުޅުދޫ މީދޫގެ ސްކޫލްތަކާއި، ބައެއް މުއައްސަސާތަކުން ސްޓޯލްތައް ބައިވެރިކޮށްފައިވެއެވެ. މިހަވީރު ކުރިއަށް ދިޔަވަގުތު ދޭތެރެ ދޭތެރެއިން ވާރޭ ވެހުނުނަމަވެސް، ހުޅުދޫ މީދޫގެ ގިނަ އަދަދެއްގެ ކުދިން މިހަވީރަށް ޒިޔާރަތްކޮށްފައިވެއެވެ.

މިހަވީރު އިންތިޒާމްކުރުމުގައި، ހުޅުދޫ މީދޫގެ ސްކޫލްތަކާއި އޮފީސްތަކުގެ އިތުރުން މުޅި އަތޮޅުން ވޮލަންޓިއަރ ކޮށްގެން ޖުމްލަ 60 ޒުވާނުން ބައިވެރިވެފައިވެއެވެ.

ޚަބަރާއިގުޅޭ ފޮޓޯތައް:

ދިވެހިރާއްޖޭގެ ފަޚްރުވެރި 45 ވަނަ މިނިވަންދުވަހުގެ މުނާސަބަތު ފާހަގަކުރުމުގެ ގޮތުން އައްޑުއަތޮޅު ހުޅުދޫ މީދޫގައި ރަސްމީ ޖަލްސާއެއް ބާއްވައިފިއެވެ. ސ.އަތޮޅު މަދަރުސާގައި މިއަދު ބޭއްވި ޖަލްސާގައި ހުޅުދޫ މީދޫގެ ގިނަ އަދަދެއްގެ ބޭފުޅުން ބައިވެރިވެފައިވެއެވެ.

ކީރިތި ޤުރުއާނުން ފެއްޓި މިޖަލްސާ ތަޢާރަފުކޮށް މަރުޙަބާ ދެންނެވީ ސ.މީދޫ ކައުންސިލަރ ހަސަން ޝާހިދުއެވެ. ޝާހިދުގެ ވާހަކައިގައި، ދިވެހިރާއްޖޭގައި ފުރަތަމަ މިނިވަންދުވަސް ފާހަގަކުރަމުން އައި ގޮތާއި، އޭގެ ފަހުން މިނިވަން ދުވަސް ޖުލައި 26 ށް ބަދަލުވެގެން ދިޔަގޮތުގެ މައްޗަށް އަލިއަޅުވާލެއްވިއެވެ. މީގެ އިތުރުން ދިވެހިރާއްޖޭގެ ޤާނޫނު އަސާސީން ރައްޔިތުންނަށް ލިބިދޭ ހައްޤުތައް ދާދިފަހާކައި ޖެހެންދެން ހިފެހެއްޓިފައި އޮތުމުން ގިނަ ބަޔަކަށް ވެރިކަމުގެ ފަރާތުން އަނިޔާތަކެއް ލިބިފައިވާކަމަށާއި، މިކަމުގެ ސަބަބުން ރައްޔިތުންގެ މިނިވަން ޝުޢޫރުތައް ހިފެހެއްޓިފައިވާކަމަށް ޝާހިދު ވިދާޅުވިއެވެ.

މިޖަލްސާގައި މިނިވަންދުވަހުގެ ޝިޢާރާއި ބެހޭގޮތުން ވާހަކަފުޅުދެއްކެވީ ސ.މީދޫ ބޮޑުކަތީބް އައްޝެއިޚް އަބްދުﷲ ޙާނީއެވެ. ހާނީގެ ވާހަކައިގައި، އިސްލާމްދީނާއި، މިނިވަންކަމާއި، ޤައުމިއްޔަތުގެ މައްޗަށް ޤުރުއާނާއި، ރަސޫލުﷲ ޞައްލައްﷲ ގެ ހަދީސްފުޅުތަކުން ދަލީލުތައް ދައްކަވައި ވަރަށް ފުރިހަމައަށް މިނިވަންކަމަކީ ކޮބައިކަމާއި، މިނިވަންކަން ބޭނުންކުރަންވީ ގޮތުގެމައްޗަށް ބައްލަވާލެއްވިއެވެ. މީގެ އިތުރުން، ދިވެހި ދުސްތޫރުގައި ދިވެހި ދަޢުލަތުގެ ދީނަކީ އިސްލާމްދީން ކަމުގައި ކަނޑައެޅިފައި އޮތް އޮތުމުގެ ބޭނުމަކީ ކޮބައިކަމާއި، ދިވެހި ޤައުމިއްޔަތު ހިމާޔަތްކޮށް، މިނިވަންކަންމަތީ ދެމިތިބުމަށް އިސްލާމްދީން މުހިއްމުވާ ސަބަބުތައް ބަޔާކޮށްދެއްވިއެވެ.

ދެން މިޖަލްސާގައި ވާހަކަފުޅުދެއްކެވީ ރައްޔިތުންގެ މަޖިލީހުގެ ފުވައްމުލަކު މެދު ދާއިރާގެ މެމްބަރު ޝިފާޤް މުފީދުއެވެ. ޝިފާޤް މުފީދުގެ ވާހަކައިގައި، އާޤާނޫނު އަސާސީގެ ދަށުން ދިވެހިންނަށް ލިބިފައިވާ މިނިވަންކަމަކީ، މީގެ ކުރިން ދިވެހިން ދެކެފައިނުވާ މިނިވަންކަމެއް ކަމަށާއި، މިއަދު ދިވެހިން މިނިވަންދުވަސް ފާހަގަކުރަމުން މިދަނީ އެހެންނާ ދިވެހިން މިނިވަންކަން ފާހަގަކުރަމުން އައި ގޮތާއި ތަފާތުކޮށްކަމަށް ވިދާޅުވިއެވެ. މިރޮނގުން ވާހަކަފުޅުދައްކަވަމުން ޝިފާޤް ވިދާޅުވީ މިއަދު މިނިވަންދުވަސް ފާހަގަކުރާއިރު، ރޭޑިއޯ ޓީވީތަކުން ފެނި އަޑުއިވެމުންދަނީ، ރާއްޖޭގެ ކޮންމެވެސް ރަށެއްގައި ނަރުދަމާގެ މަސައްކަތް ފެށުނު ވާހަކައާއި، ބަނދަރުގެ މަސައްކަތާއި، ބިންހިއްކުމާއި، ހޮސްޕިޓާތަކުގެ ބިންގާ އެޅިގެންދާ ވާހަކަތައްކަމަށް ވިދާޅުވިއެވެ.

މިޖަލްސާގެ ޝަރަފުވެރި މެހުމާން ރައްޔިތުންގެ މަޖިލީހުގެ ހުޅުމީދޫ ދާއިރާގެ މެމްބަރު އިލްޔާސް ލަބީބް ދެއްކެވި ވާހަކަފުޅުގައި، ދެކުނު ޕްރޮވިންސްގައި މިހާރު ފެށިފައިވާ މަސައްކަތްތަކާއި، އަދި މިނިވަންދުވަހާއި ގުޅިގެން އަލަށް އިފްތިތާޙްކުރެވުނު މަސައްކަތްތަކުގެ އިތުރުން، ތަރައްޤީގެ ރޮނގުގައި، ކުރިއަށް ރޭވިފައި ހުރި ބައެއްކަންތައްތަކުގެ މައްޗަށް އަލިއަޅުވާލައްވައި ވާހަކަފުޅުދެއްކެވިއެވެ. އެގޮތުން ކުރިއަށް އޮތް ރަމަޟާން މަސް ނިންމެންވާއިރަށް މިއަތޮޅުގެ އެއްގަމު ދަތުރުފަތުރުގެ ނިޒާމް ފުރިހަމަވެގެންދާނެކަމަށް، އެމަސައްކަތާއި ހަވާލުވެފައިވާ އެމް.ވީ.ކޭއިން މަޢުލޫމާތު ލިބިފައިވާކަމަށް ވިދާޅުވިއެވެ. މީގެ އިތުރުން ހުޅުދޫ މީދޫގެ ތަޢުލީމީ ހާލަތު ރަނގަޅުކުރުމަށްޓަކައި، ހުޅުދޫ މީދޫގައި ހުރި ދެޕްރައިމަރީ ސްކޫލާއި، ސ.އަތޮޅު މަދަރުސާގެ ކުރިމަގާއި ބެހޭގޮތުން ރައްޔިތުންގެ ޚިޔާލު ސަރުކާރަށް ބޭނުންވާކަމަށާއި، އެގޮތުން ސަރުކާރުން ރައްޔިތުންނަށް ހުށަހަޅާ ހުށަހެޅުމަކީ، ދެރަށުގައި ހުރި ސަރުކާރުގެ 3 ސްކޫލްގެ ތެރެއިން ދެރަށުގައި ހުރި 2 ޕްރައިމަރީ ސްކޫލް އުވާލުމަށްފަހު، އެދެސްކޫލަށް ކުރަމުން ގެންދާ ޚަރަދު ސ.އަތޮޅު މަދަރުސާއަށް ބަދަލުކޮށް، އެސްކޫލަކީ ފެންވަރު ރަނގަޅު ސްކޫލަކަށް ހެދުން ނުވަތަ ސ.އަތޮޅު މަދަރުސާ އުވާލުމަށްފަހު، ދެރަށުގައި ހުރި 2 ޕްރައިމަރީ ސްކޫލް ގްރޭޑް 1 – 10 އަށް ބަދަލުކޮށް ހިންގުން ކަމަށެވެ. ރަށުގެ ތައުލީމީ ހާލަތު ރަނގަޅު ކުރުމަށްޓަކައި، މިދެގޮތުން ކުރެ ކޮންމެވެސް ގޮތެއް ރައްޔިތުން އިޚްތިޔާރުކުރަންޖެހޭ ކަމަށާއި، މިކަމާއިމެދު ފުންކޮށް ވިސްނުމަށްފަހު، ގޮތެއް ނިންމެވުމަށް ރައްޔިތުންގެ ކިބައިން އިލްޔާސް އެދިވަޑައިގަތެވެ.

ޖަލްސާގައި ޝުކުރުދެންނެވުމުގެ އައިޓަމް ފުރިހަމަކޮށްދެއްވީ، އައްޑުއަތޮޅު އަތޮޅު ކައުންސިލަރ އަބްދުﷲ ޞާދިޤުއެވެ. އޭގެ ފަހުން ޖަލްސާ ނިމިގެންދިޔައީ، ޝަމްސުއްދީން ސްކޫލް ބޭންޑްގެ ޤައުމީ ސަލާމުންނެވެ.

މިޖަލްސާގައި އަތޮޅުގެ މުވައްސަސާތަކުގެ އިސްވެރިންނާއި، ހުޅުދޫ މީދޫގެ ވަރަށްގިނަ އާއްމު ރައްޔިތުން ވަނީ ބައިވެރިވެފައެވެ.

މިނިވަންދުވަހުގެ މުނާސަބާ ފާހަގަކުރުމުގެ ގޮތުން މިއަދު ހަވީރު ވަނީ ގުޅިފައިވާ ރަށްތަކުން ލިންކްރޯޑުގައި ރޯޑް ޝޯވްއެއް ބާއްވާފައެވެ. މިޝޯވްގައި ސްކޫލްކުދިންގެ ތަފާތު އައިޓަމްތަކާއި، ޒުވާނުންގެ ހަރަކާތްތަކެއް ވަނީ ދައްކާލާފައެވެ. އަދި މީގެ އިތުރުން ފޭދޫ ސްކޫލާއި މުހިއްބުއްދީން ސްކޫލްގެ ކެޑޭޓް އަދި ބޭންޑުން ވަނީ ޝަރަފްގެ ހިގާލުމެއްވެސް ލިންކްރޯޑުގައި ބާއްވާފައެވެ. ދެ ސްކޫލް ވަކިވަކިން ބޭއްވި މި ހިގާލުމުގައި މަގުގެ އެކި ހިސާބުތަކަށް މަޑުކޮށް ދެ ސްކޫލުންވެސް ވަނީ ބޭންޑުން ތަފާތު ރާގުތަށްކުޅެފައެވެ.

މީގެ އިތުރުން މަރަދޫފޭދޫ އުޖާލާ ޕްރީސްކޫލުން އިސްނަގައިގެން ކުޑަކުދިންނާއި ގުޅުންހުރި ތަފާތު ގޭމްތަށް މަރަދޫފޭދޫ ބޯޅަދަނޑުގައި ވަނީ ކުރިއަށްގެންގޮސްފައެވެ.

އަދި މިނިވަންދުވަހާއި ގުޅިގެން އައްޑު އަތޮޅު ފެމެލީ އެންޑް ޗިލްޑްރަން ސާވިސް ސެންޓަރުން ހުޅުދޫ މީދޫގެ މުވައްސަސާތަކާއި ގުޅިގެން ސ.އަތޮޅު މަދަރުސާގައިވަނީ ކުޑަކުދިންގެ އާއިލީ ހަވީރެއް ބާއްވާފައެވެ. މީގެ އިތުރުން މިނިވަންދުވަހާއި ގުޅުވައިގެން މީދޫގެ ޖަމިއްޔާއެއްކަމަށްވާ ފައުންޑޭޝަން ފޯ މީދޫ ޑިވްލޮޕްމަންޓުން ދެކުނު ޕްރޮވިންސަށް ހުޅުވާލައިގެން ބާއްވާ ވޮލީ މުބާރާތް މާދަމާ ފެށޭނެއެވެ.

ިއަހަރުގެ އުފާވެރި މިނިވަން ދުވަސް ފާހަގަކުރުމުގެ ގޮތުން މިއަދު ހަވީރު މީދޫ ޝަމްސުއްދީން ސްކޫލްގެ ބޭންޑުން ޝަރަފުގެ ހިގާލުމެއް ބާއްވައިފިއެވެ. ޝަމްސުއްދީން ސްކޫލުން ފެށުނު މިހިނގާލުން ހުޅުދޫއާއި މީދުގެ ބޮޑެތި މަގުތަކުގައި ކުރިއަށްދިޔައިރު ބޮޑުމަގުގެ ތަފާތު ތަންތަނަށް މަޑުކޮށް ސްކޫލުގެ ބޭންޑުން ތަފާތު އެކިރާގްތައް ކުޅެފައިވެއެވެ.

މިހިގާލުން ބެލުމަށް ދެރަށުންވެސް ގިނައަދަދެއްގެ ރައްޔިތުން މިއަދު ހަވީރު ދެރަށުގެ ބޮޑުމަގަށް ނިކުމެފައިވެއެވެ.

މިހިނގާލުން ކުރިއަށްދިޔައިރު ހުޅުމީދޫ ޕޮލިސްޓޭޝަނުން ޓްރެފިކް ބަލަހައްޓާފައިވެއެވެ.