ޝަރީފީ ޕްރީ ސްކޫލްގެ 14 ވަނަ އަހަރީ ދުވަސް ފާހަގަކުރުމުގެ ގޮތުން ބޭއްވި ހަރަކާތްތައް ރޭ ބޭއްވި ޚާއްސަ ސްޓޭޖް ޝޯއިން ނިމިއްޖެއެވެ. އަހަރީ ދުވަސް ފާހަގަކުރުމުގެ އެއްމެ ފަހު އައިޓަމެއްގެ ގޮތުން ބެލެނިވެރިންނާއި ޓީޗަރުން ގުޅިގެން ބޭއްވި ސްޓޭޖް ޝޯގައި ސްކޫލްގެ ދަރިވަރުންގެ އިތުރުން ބެލެނިވެރިންވެސް ވަނީ ވަރަށް ފުރިހަމަ އައިޓަމްތަކެއް ހުށަހަޅާފައެވެ.

ސ.މީދޫ ލާޖްވަރުދީ އަލްފާޟިލް އަލީ ޝަރީފް އަމިއްލަގޮތުން ހިންގަވާ ޝަރީފީ ޕްރީސްކޫލްގެ 14 ވަނަ އަހަރީ ދުވަސް ފާހަގަކުރުމުގެ ގޮތުން މި މަހު 1 ވަނަ ދުވަހުގެ ރޭވަނީ ޚާއްސަ ޖަލްސާއެއް ބާއްވާފައެވެ. ސ.އަތޮޅު އަތޮޅުވެރިޔާ އަލްފާޟިލް ސައުދު އަބްދުﷲ ޝަރަފުވެރި ކޮށްދެއްވި މިޖަލްސާގައި އެ ސްކޫލަށް އެކިގޮތްގޮތުން އެހީތެރިވެދެއްވާފައިވާ ފަރާތްތަކުގެ ނަންތައް އިއުލާންކޮށް ސްކޫލުގެ ސްޓާރ ހަރަކާތް ރަސްމީކޮށް އިފްތިތާހު ކުރެވުނެވެ.

މީގެ އިތުރުން ސްކޫލްގެ އަހަރީ ދުވަސް ފާހަގަކުރުމުގެ ގޮތުން މިދިޔަ ހުކުރުދުވަހު ވަނީ ކުޑަކުދިންނަށް ޚާއްސަކުރެވިގެން ތަފާތު ކުޅިވަރުތައް ހިމެނޭ ކުޑަކުދިންގެ ހަވީރެއްބާއްވާފައެވެ.