ޖޫން 24:

ރޭ ގްރޫޕް—ޑީ ގައި ސާބިއާ އަތުން 2 – 1 ން މޮޅުވި ނަމަވެސް ގޯލްގެ ތަފާތުން ގާނާގެ މައްޗަށް އޮސްޓްރޭލިއާއަށް ކުރި ނުހޯދުނެވެ. އެއްވަގުތެއްގައި ކުޅުނު ގްރޫޕްގެ ދެމެޗްގެ ތެރެއިން ގާނާ އާއި ޖަރުމަން ބައްދަލުކުރި މެޗުން 1 – 0 އިން ގާނާ ބަލިވުމުން ދެވަނަ ބުރަށް ދިއުމަށްޓަކައި އޮސްޓްރޭލިއާއިން ސާބިއާގެ މައްޗަށް މަދުވެގެން 3 ގޯލްގެ ތަފާތަކުން ކުރިހޯދަންޖެހެއެވެ. ޖަރުމަން މެޗުން ގާނާ ބަލިވުމުން ދެވަނަ ބުރަށް ދިއުމަށްޓަކައި ސާބިއާއަށް ޖެހެނީ އޮސްޓްރޭލިއާ އަތުން މޮޅުވާށެވެ. ނަމަވެސް މިމެޗްގެ ނަތީޖާ ވެގެން ގޮސްފައިވަނީ ދެޓީމްވެސް ދެވަނަ ބުރަށް ނުގޮސް މުބާރާތުން ވަކިވާން ޖެހުނު ސްކޯއަކަށެވެ.