ޖޫން 26:

ގްރޫޕް-ޖީ ގެ ފަހު ދެމެޗްގެ ތެރެއިން ޕޯޗްގަލް އާއި ބްރެޒިލް ބައްދަލުކުރި މެޗް ދެޓީމުން ކުރެ ޓީމަކަށް ލަނޑެއް ކާމިޔާބު ނުކުރެވި އެއްވަރުވެއްޖެ. މިމެޗް އެއްވަރުވުމުން ގްރޫޕްގެ އެއްވަނަ ލިބުނީ ބްރެޒިލް އަށެވެ. ގްރޫޕްގައި ކުޅުނު ދެމެޗުން އެއްވަރުވެ އެއްމެޗުން މޮޅުވެގެން 5 ޕޮއިންޓާއެކު ޕޯޗްގަލް ދެވަނަ ބުރަށް ދިޔައީ ގްރޫޕްގެ ދެވަނަ ޓީމްގެ ގޮތުގައެވެ.

ފުރަތަމަ ބުރުގެ މެޗްތައް ނިމުނުއިރު އެއްމެ ގިނަ ގޯލް ޖެހި ދެވަނަ ޓީމްގެ ގޮތުގައި ހިމެނި ދެވަނަ ބުރަށް ޕޯޗްގަލް ދިޔައިރު އެޓީމްގެ ކޮޅަށް މިހާތަނަށް ލަނޑެއް ވަދެފައި ނުވާކަން ފާހަގަކުރެއެވެ. ޕޯޗްގަލް ދެވަނަ ބުރަށް ދިޔައިރު ޖުމްލަ 7 ގޯލް ޖަހާފައިވާއިރު މިއަދަދަށް ދެން ގޯލް ޖަހާފައިވާ ޓީމަކީ އާޖެންޓީނާއެވެ. ދެވަނަ ބުރަށް ދިޔަ ޓީމްތަކުގެތެރެއިން ޕޯޗްގަލް ފިޔަވައި މިހާތަނަށް ބައިކޮޅަށް ގޯލެއް ވަދެފައިނުވާ ދެވަނަ ޓީމަކީ އުރުގުއޭއެވެ.