ޖޫން 29:

ދެވަނަ ބުރުގައި ރޭ ސްޕެއިން އާއި ޕޯޗްގަލް ބައްދަލުކުރި މެޗްގެ 63 ވަނަ މިނެޓްގައި ސްޕެއިންގެ ޑޭވިޑް ވިޔާ ޖެހި ގޯލާއެކު ސްޕޭނުން ޕޯޗްގަލްގެ މައްޗަށް 1 – 0 އިން ކުރި ހޯދައިގެން ކުއާޓަރ ފައިނަލަށް ހިނގައްޖެ. މިމެޗުން ޕޯޗްގަލް ބަލިވުމުން އެޓީމް ވަނީ މުބާރާތުން ކަޓާފައެވެ.

މިމެޗަށް ދެޓީމްވެސް ނުކުތީ ދެޓީމްގެ ރިކޯޑް ދިފާއުކުރުމަށެވެ. ސްޕެއިން ނުކުތީ އެމީހުން އެއްމެ ފަހުން ކުޅުނު 31 މެޗްގެ ތެރެއިން 29 މެޗުން މޮޅުވެފައިވާތީ، އެރިކޯޑް ދެމެހެއްޓުމަށެވެ. އަނެއްކޮޅުން ކާލޯސް ކެރޮޝްގެ ބެލުމުގެ ދަށުން ޕޯޗްގަލް ކުޅުނު 24 މެޗުގެ ތެރެއިން 20 މެޗުން މޮޅުވެފައިވާތީ ޕޯޗްގަލް ނުކުތީ އެރިކޯޑް ދަމަހައްޓާށެވެ.

ކުއާޓަރ ފައިލަންގައި ސްޕެއިނާއި ޕެރަގުއޭ ބައްދަލުކުރާ މެޗް ކުޅުމަށް ހަމަޖެހިފައިވަނީ 3 ޖުލައި 2010 ވަނަ ދުވަހުގެ ރޭ 11:30 ގައެވެ.